पुणे ता.27(दैनिक साम्राज्य न्युज ):येथील जेजुरी नगरपरिषदच्या माजी नगराध्यक्षा अमृता संदीप घोणे यांनी सावित्रीबाई फुले पुणे विद्यापीठाच्या वाणिज्य शाखेमार्फत “बँकिंग आणि वित्त” या अभ्यास मंडळातून विद्या वाचस्पती (Ph.D.) ही पदवी संपादन केली आहे.
“पुणे जिल्हा मध्यवर्ती सहकारी बँकेची वित्तीय कामगिरी आणि समभागांचे चिकित्सक अभ्यास” या विषयावर त्यांनी आपले संशोधन यशस्वीरित्या पूर्ण केले. हे संशोधन मराठवाडा मित्र मंडळ वाणिज्य महाविद्यालयाचे प्राचार्य डॉ. किशोर निकम सर यांच्या मार्गदर्शनाखाली, व डॉ. डी. वाय. पाटील कला,वाणिज्य व विज्ञान महाविद्यालय, पुणे या संशोधन केंद्रातून पूर्ण करण्यात आले. या संशोधन कार्यादरम्यान त्यांनी आपल्या विषयाशी संबंधित एकूण ७ संशोधन पत्रे आंतरराष्ट्रीय, राष्ट्रीय व राज्यस्तरीय स्तरावर सादर करून प्रसिद्ध केली आहेत.
राजकीय, सामाजिक क्षेत्रातील जबाबदाऱ्या प्रभावीपणे सांभाळत असतानाही त्यांनी शिक्षणाची ओढ जपली. Pharmacist असणाऱ्या प्रा.घोणे यांनी लग्नानंतर बी.कॉम. व नंतर एम.कॉम. पदवी घेतली. SET exam, GDC&A उत्तीर्ण झाल्या. तसेच सज्जनगड देव संस्थेच्या दासबोध ग्रंथावर आधारित परिचय, प्रवेश व परंगत ही पदवी संपादन करून उल्लेखनीय यश मिळवले आहे.
बातम्या व जाहिरीतीसाठी
संपर्क :- 9850338185
Email ID- daniksamrajya@gmail.com
