वडगाव मावळ (दैनिक साम्राज्य न्यूज) खरेदी-विक्री संघाची पंचवार्षिक निवडणूक नुकतीच पार पडली असून यामध्ये १९ जागांपैकी १६ जागांवर विजय मिळवत महायुतीने एकहाती सत्ता मिळवली. आज चेअरमन, व्हाईस चेअरमन या पदाच्या निवडीसाठी निवडणूक निर्णय अधिकारी मंदार कुलकर्णी यांच्या मार्गदर्शनाखाली निवडणूक प्रक्रिया पार पडली.
यावेळी मावळ तालुका सहकारी खरेदी-विक्री संघाच्या चेअरमनपदी शिवाजी असवले तर व्हाईस चेअरमनपदी अमोल भोईरकर यांची बिनविरोध निवड करण्यात आली.या निवडी साठी सहाय्यक म्हणून संघाचे सचिव किरण लोहर यांनी काम पाहिले.
दरम्यान चेअरमनपदासाठी असवले यांचा एकमेव तर व्हा.चेअरमन पदासाठी भोईरकर यांच्यासह रमेश भूरुक यांनी अर्ज दाखल केले होते. परंतु भुरुक यांनी उमेदवारी अर्ज मागे घेतल्याने चेअरमन पदी असवले यांच्यासह व्हा.चेअरमन पदी भोईरकर यांचीही बिनविरोध निवड झाली.
यावेळी संचालक भरत येवले, ज्ञानेश्र्वर निंबळे, बाजीराव वाजे, शहाजी कडू, रुपेश घोजगे, माणिक गाडे, किरण हुलावळे, गणेश विनोदे, प्रमोद दळवी, मधुकर जगताप, शरद नखाते, आशा खांडभोर, मनीषा आंबेकर, सुनीता केदारी तसेच एकनाथ येवले, विष्णू घरदाळे उपस्थित होते.
बातम्या व जाहिरातीसाठी संपर्क
सुखदेव जाधव ९८५०३३८१८५
